الهانوك

ايه هو الهانوك ؟

الهانوك هو الاسم الاشهر اللي اطلقه الكوريين القدامي علي المنزل الكوري التقليدي واللي تفننوا في تصاميمه الرائعه الشكل ودا بيديها جاذبيه كبيره لكتير من المعجبين داخل كوريا و خارجها لتناغمها مع البيئه المحيطه فغير جاذبيه شكلها اتفنن الكوريين في اختيار الاماكن المناسبه لبناء المنازل بتاعتهم فنلاقي المنازل في الغالب بيحدها التلال و الجبال من جهات كتير لحمايتها من الرياح الشديده  و الانهار و الجداول امامها ودي علشان يبقي عندهم امداد من الميه بصفه مستمر و كمان لتلطيف الجو في فصل الصيف و بالرغم ان البيوت دي مصنوعه من الخشب الا انها قدرت تحافظ علي جمالها و متانتها لحد دلوقتي نتيجه ناجحهم في اختيار المكان المناسب للبناء

الكورين صمموا البيت بصوره مميزه ودا لحمايه سكانه من تغيرات المناخ في فصول السنه المختلفه فعملوا نظامين الاول هو النظام الي بيشتغل في فصل الشتاء و دا عباره عن قنوات بتمر تحت الارضيه الصخريه واللي بيمر فيها بخار بتسحبه من منطقه النار في المطبخ بيقوم بتدفئه اراضي الحجرات في فصل الشتاء و اطلقوا عليه نظام الاوندول ondol)) و الي بدأ ينتشر خارج كوريا حاليا في كتير من البلاد مع تغير بسيط علشان يلائم البيئه المناخيه للبلاد دي
النظام التاني هو مارو(maru) ودا النظام الصيفي الي بيوفر التهويه المناسبه لتلطيف الجو في فصل الصيف

اسطح المنازل بتتكون من مجموعه من البلاط المرصوص بالشكل الي احنا شايفينه في الصوره احيانا بيكون بلاط سيراميك و في الاغلب بيكون بالون الرمادي لكن فيه كتير من السكان بيستخدموا ألوان مختلفه لاسطح المنازل ومثال علي كدا المنزل الرسمي لرئاسه الجمهوريه و اللي بيغطي اللون الازرق السطح بتاعه علشان كدا اطلقوا عليه البيت الازرق

حديثا اكثر من 60% من سكان كوريا بيسكونوا في المنازل الحديثه العاليه متعدده الطوابق ومع كدا قدروا يحتفظوا بنظام التدفئه الشتوي(الاوندول) لكن بصوره مطوره شويه علشان يواكب البنايات متعدده الطوابق بنلاقي النظام عباره عن انابيب دقيقه نسبيا و بيمر فيها المايه اللي بتسخن بالجاز او بالكهرباء فبيحصلوا علي التدفئه المناسبه لفصل الشتاء


                                    نوران صلاح
Source\Book:Facts about korea                   

اقرأ المزيد

ENGLISH AND ARABIC IDIOMS

اقرأ المزيد

ENGLISH AND ARABIC IDIOMS

اقرأ المزيد

جمعية الصداقة المصرية الكورية

1- تكون جمعية اهلية هدفها الاساسى المشاركة التطوعية الهادفة فى العمل الاجتماعى

2- تهدف الى تقديم الخدمات المباشر والغير مباشر لاشباع احتياجات افراد المجتمع الذى يريد التعرف على الثقافة الكورية وتحقيق الرفاهية الاجتماعية والثقافية لتلك الافراد منها (التبادل للغة سواء اللغة الكورية او العربية (العامية والفصحى) . الرحلات . انشاء مجلة باسم الجمعية لغرض التثقيف المتبادل .

3- يتم التنظيم بمهام الجمعية داخل كل مقر لها فى المحافظات وتنظيم العمل التطوعى فيما بينهم.

4- لا تسعى الجمعية الى اى ربح مالى فى هى بالاساس تقوم على اظهار صورة جيد لمصر من خلال عيون الكوريين الذين يزرون مصر اذا كانت بغرض السياحة او الدارسة او العمل الموقت فى مؤسسات كورية بمصر

 وافرعها المعروفة .

 

 5- تحتاج لاظهار سياسة الجمعية الى العديد من المؤسسات التى تشاركها العون سواء كانت جهات من وزراة الثقافة والاعلام والسفارة الكورية وايضا المؤسسات الاخرى التى تساعدها فى تشكيل سياسة واضحة واظهارها بافضل صورة .

 6- الهيكل التنظمى للجمعية سوف يندرج (رئيس الجمعية . نائب الجمعية . مدير تنفيذى للجمعية . اعضاء الجمعية المتمثلة بالجمهور المشارك) .

 7- سوف تعتمد الجمعية على التبرعات والوصايا وايضا اشتراكات الاعضاء الرمزية بتحديد كل قسم بالجمعية وفقا لما يندرج تحت خطة مدروسة اولا وتقبل الدعم من الهيئات الحكومية وايضا الدولية الخاصة بها الوزارات الكورية التى تدعم نشر ثقافتها حول العالم .

 8- تبعد الجمعية كل البعد عن الصراعات السياسية لانها بالمقام الاول تخدم المجتمع والوعى الثقافى بين الشعبين وعدم دخولها فى تدخلات سياسية صراعات طائفية مذهبية بعثات تبشيرية فصلها تماما .

 9- توصيل الجمعية لفئات الخاصة من المجتمع سوا ذوى الاعاقات والاطفال وذلك بتدعيم العلاقات بين الشعبين فى اطار الثقافى مثل مسابقات الرسم وانشطة ثقافية تناسبهم …….

10- سوف تقدم الجمعية كل ما يصلح لتقرب الشعب الكورى والمصرى معا تحت شعار واحد هو الصداقة .

اقرأ المزيد

الحروف الأبجديه

تنقسم لعدة مجموعات
***********************************************
1-حروف ساكنه 14 حرف Basic Consonants
ㅂ ينطق "ب" أو bخفيفه
ㅈينطق "دج" أو تش
ㅊ ينطق "تشو بيطلع معاها هوا ..يعنى قريبه من تسو
ㄷ ينطق "د" او ت
ㄱ ينطق "ج" وأحياناً "ك"
فى اول الكلمة k وفى اخر الكلمة g او فى نصها زى كلمة
고기
kogi
ㅁ ينطق "م"
ㄴ ينطق "ن"
ㅌ ينطق ت معاها هوااا ته
ㅍ ينطق "ب" لكن تقيله
ㅅ ينطق غالبا "س" وأحياناً "ش" هنوضح بعد كدا
 ㄹ ينطق فى أول المقطع "ر" وفى اخر المقطع "ل"
ㅎ ينطق "هــ "
ㅋ ينطق k+h
كاف فيها هو زى مقولنا
ㅇ دا مش بيتنطق فى أول المقطع" silent "لكن لو فى الأخر بنطقه ng نج
*********************************************
2-الحروف الساكنه 10 Basic Vowels
ㅗ ينطق ضمه حرف o "
ㅛ ينطق يو "yo"
ㅜ ينطق ضمه "وانت ببتنطقه مد شفايفك لبره هو بالظبط حرف ال u"
ㅠ ينطق يوو" yu"
ㅏ ينطق فتحه أو ألف مد
ㅑ ينطق يا "ya"
ㅓ ينطق فتحة بس فيها زى غنه
ㅕ ينطق يو فيه غنه كانها طالعه من الخيشوم
ㅣ ينطق "إ"
ㅡ ينطق او "Eu" ودا لازم حد ينطقه قدامك مبيتكتبش
...................................................
هو المفروض الصراحة نكتب الحروف المتحركة دى قبليها الحرفㅇ دا لما نكتبهم لوحدهم كدا '" 아 어야 لما نجى ننطقهم وكذلك فى أول الكلمة مثلا
이름 إي رم "اسم" وهو silent قولنا فى أول المقطع
لكن لو مش بادىء الكلمة بحرف متحرك عادى زى 가다 "جا دا" أو "كا دا"
*********************************************
3-الحروف الساكنه المركبه 5 حروف compound consonant
ㅃ-ㅉ-ㄸ-ㄲ-ㅆ
نفس نطق العاديين بس فيه زى الشدة فى العربى
ㄸ بس دا هيبقى قريب من حرف ال ط
*******************************************
4-الحروف المتحركة المركبه 11 حرف compound vowels
هنحط قبلهم" o " عشان احنا بننطقهم زى متفقنا
에 ينطق " أيه " كأنك بتسمى حرف الa
애 زي اللى فات بس الاختلاف البسيط مخرج الحرف "هبقى انزل رسمه للفرق بينهم
얘 ينطق yea
예ينطق yea
와 ينطق wa
위 ينطق we
워 ينطق wo
왜ينطق wea
외ينطق wea
웨ينطق wea
ملــــــــــــــــــــــــــــــــــحوظه
الحروف دى ㅅ ,ㅌ ,ㅅ,ㅈ,ㅊ,ㅆ لو جات فى أخر المقطع تنطق د ㄷ
مثال 옷 تنطق أود يعنى ملابس
>>>>>>>>>>>>>>>>>>>>>>>>>> by Mohamed Samy
بعد كدا لازم لازم لازم تتفرجوا ع الفيديوهين دول
1-http://www.youtube.com/watch…
2-http://www.youtube.com/watch

اقرأ المزيد

الطعام الكورى

من قديم الازل اعتبر الكوريين القدامى ان الطعام اللى قيمته الغذائيه عاليه اهم من الدواء وان الدواء بييجي في المرتبه التانيه بعد استخدام الطعام فى العلاج علشان كدا بدأوا يتفننوا في صناعه الاكل باستخدام كتير من انواع الخضروات المختلفه و كتير من التوابل الي قيمتها الغذائيه عاليه والاهتمام بالمطبخ الكورى و خصوصا المطبخ الملكي علشان كدا ظهر نوع من اهم انواع الثقافه الكوريه و هي ثقافه الطعام الكورى K-food))

لو جينا نشوف السفره الكوريه هنلاقي الارز هو الطبق الرئيسي وهنلاقي انواع كتير من الشوربه المختلفه اما بالنسبه للاطباق الجانبيه فدي بتجمع  مجموعه من الخضروات ذات القيمه الغذائيه العاليه وكان عددها في الماضي من 3 الي 5 اطباق نظرا للحاله الاقتصاديه السيئه 

حديثا بنلاقي السفره بتتكون من الارز و الشوربه و الكيمشي ومجموعه اكتر من الاطباق الجانبيه الي داخل فيها اللحم او السمك الي جانب الخضروات والي ممكن يوصل عددها ل 12 طبق جانبي

*دلوقتي هانبدا نتكلم علي اشهر اطباق المطبخ الكوري و هنبدا اولا بالكيمتشي (kimichi) والي بيدخل في صناعته عمليه التخمر الي بيفضلوا استخدامها في صناعه الاكل الكوري لانها بتحسن من الطعم و بتعلي القيمه الغذائيه دا غير ان وقتها الاكل بيستحمل عمليه التخزين الطويله,وبيعتبر الكرنب الكوري المكون الرئيسى للكيميشى مع بعض الاضافات المهمه زي معجون الفلفل الاحمر مع الثوم و البصل و الزنجبيل الكوري و صوص السمك و بتم عمليه التخمر الي بتاخد من عده ايام لسنه و الكيمتشي له انواع مختلفه باختلاف المكونات الداخله في تكوينه و الي بتختلف من بلد لبلد داخل كوريا

في سنه 2006 نشرت مجله صحيه عالميه عن الكيمتشي و اعتبرته من افضل خمس اطعمه صحيه في العالم

*تاني طبق هنتكلم عنه هو الكيمباب Kimbap)) باب يعني ارز بالكوري و كيم يعني طحالب ودا بيوضح تكوين النوع دا من الاطباق و بيدخل فيه كمان انواع مختلفه من الخضروات و البيض المقلي و ممكن التونه وكل دا بيتخلط بالارز و بيتلف بالطحالب ودا بيعد من اكتر الاطباق الشعبيه ذات القيمه الغذائيه العاليه ومن اهم الاطباق الثلاث المقدمه في كوريا مع الكيمتشي و البولجوجي

*ثالت طبق هنتكلم عنه هو البولجوجي Bulgogi)) ودا نوع من الاطباق الكوريه التقليديه و بيكون اللحم هو المكون الاساسي ليه اما لحم بقري او لحم الخنزير و بيقطع شرائح وبيتقدم مشوي مع الصوياصوص وانواع كتير من التوابل عاليه الفايده و مؤخرا في كوريا بدا البولجوجي يدخل في الاكل السريع (Fast food)وعملوا برجر منه و كمان بيتزا البولجوجي

*رابع طبق هنتكلم عنه هو التتوكبوك كي Tteokbokky)) او كعكه الارز الحاره و بتتكون من كعكه الارز اللزجه المعموله من بودره الارز المدخن المعجونه و المعموله علي شكل اسطواني و بتتخلط علي النار بمجموعه من التوابل الحاره والحلوه ومع الخضروات زي البصل و الجزر و معجون الفلفل الاحمر مع مرقه السمك و بيتقدم في الافراح و المناسبات و الاعياد

*خامس طبق هنتكلم عنه هو العصيده Juk)) العصيده الكوريه بتتعمل من انواع مختلفه من الحبوب و تقدم للاطفال و الكبار الي بيعانوا من مشاكل في الهضم و مؤخرا ظهرت كتير من مطاعم العصيده في كوريا و بيعملوا العصيده بصوره شهيه و مفيده و بيدخل في صناعتها مجموعه كبيره من الخضروات المفيده الي جانب الحبوب الداخله في صناعتها  

*سادس طبق هنتكلم عنه هو الشعريه الكوريه Noodles)) دا بقي ليه انواع كتير في كوريا علي حسب الاضافات المستخدمه مع الشعريه ومن اطباق الشعريه الشهيره في كوريا الجاجميون و دا طبق شعريه بمعجون الصويا صوص و طبق الشعريه البارده و طبق الراميون المشهور في كتير من الدراما الكوريه, طبق الشعريه عموما من اهم تقاليد الزواج الكوري فلما حد يسال شخص هناكل شعريه امتي دا معناه هتتجوز امتي كمان بياكلوها في اعياد الميلاد تيمنا بالحياه الطويله الصحيه للطفل                                                                                          

*اخيرا هنتكلم عن اسوء عادات الشعب الكوري والي بتاثر بالسلب علي صحتهم و هي تناول المشروبات الروحانيه ال بيهتموا بتناولها في الاعياد و المناسبات و الافراح و العطلات و بيتفننوا في صناعتها لدرجه ان فيه هناك حوالي 300 نوع من المشروبات دي و اشهرها مشروب السوجو و هو عباره عن مستخلص كحولي من الحبوب و البطاطس الحلوه مضاف عليه بعض النكهات و الماء و فيه انواع تانيه كتير زي نبيذ العنب و نبيذ الكمثري و نبيذ الارز الي بيعتبر اشهر نوع بيتناوله الفلاحين

                                                                                                        

            نوران صلاح                                                                                                                                     Source/Book:Facts about korea   

اقرأ المزيد

الزى الكورى التقليدي

زمان كانوا الكورين بيفضلوا اللبس الابيض البسيط عن اللبس الملون و اتعرفوا بين الجيران بالشعب الملفوف بالابيض و اعتبروهوم من الشعوب المسالمه المحبه للسلام

وبعد كدا بدأوا يتفننوا فى صناعه الأزياء الملونه اللى كانت بتميز كل عصر من العصور و الطبقه الاجتماعيه للناس فبيبقي فيه اختلاف بين لبس الملوك و بين حاشيه الملك و النبلاء و عامه الشعب كمان كانوا بيهتموا بالخامه بتاع اللبس علشان يقدروا يصنعوا اللبس المناسب لكل فصل من فصول السنه والمناسب لكلا الجنسين واطلقوا على الزى الكورى التقليدى اسم الهانبوك 

حديثا كوريا بتحتضن كتير من مصممين الازياء المشهورين و الموهوبين و قدرت تبقى من اجمل و اهم بيوت الازياء خاصه بين دول شرق اسيا و قدرت تخرج للعالم باجمل التصاميم الى انتشرت نتيجه موجه الهاليو في العالم و بقينا بنشوفها فى الدراما و الاغاني الكوريه

الشعب الكورى دلوقتى بيفضل البس العصرى الحديث مع ذلك مفقدش الاحتفاظ بالهانبوك فبقوا بيلبسوا في الاعياد و المناسبات العامه و الخاصه بالمنزل و في الافراح و من حبهم و احتفاظهم بالهانبوك كتير من المصممين دلوقتي بيتفننوا في تصماميم للهانبوك بشكل عصري حديث و مميز مع الاحتفاظ بالتراث

اخيرا هنتكلم عن اهم و اشهر سوقين لعرض الازياء في كوريا اللي بيزورها كتير من السياح الوافدين هناك اول سوق هو سوق جانكنام (Gangnam-gu) هناك بيتعرض افضل و احدث التصاميم لاشهر مصمين الازياء الكوريين و العالمين واللى بتظهر تصاميمهم في الدراما و اغاني البوب

ثاني سوق هاه سوق دونجداميون (Dongdaemun-gu) والي فيه بيتعرض تصاميم جميله لمصمين موهوبين و مبتداين و باسعار مناسبه للجميع و بيقوم بعرض و توزيع الموضه عن طريق الانترنت وبيعتبر من اكتر الاماكن زياره لتسوق السياح 

نوران صلاح

Source/ Book:facts about korea

اقرأ المزيد